 |
| Matagal nang nagbabala ang Konsulado tungkol sa pagpapakalat ng malalaswang litrato o video |
Tinawagan at pinagsabihan na ng Konsulado ang Pilipinang domestic helper na nakilala sa bansag nitong “T-Back Queen” dahil sa pagkalat ng kanyang sex video at mga seksing litrato na kinuha habang naglalakad siya sa mga mataong lugar katulad ng Chater Road at WorldWide Plaza.
Sa isang
maiksing pahayag, sinabi ni Konsul
Heneral Raly Tejada na nakausap na ng assistance to nationals section ng
Konsulado ang Pilipina na ang tunay na
pangalan ay Cherry at sinabihan na itigil na ang pagpapakalat niya ng litrato na nakakabahala sa mga tao sa komunidad.
 |
| PINDUTIN PARA SA DETALYE |
Pinangaralan din
siya dahil sa pagkalat ng kanyang sex video kasama ang isang lalaking Intsik.
“She apologized
for the sex video stating that its private material. She also explained that it was leaked by a
hacker. Nonetheless ATN reminded her these actions have caused shame and
disgust to many members of the Filipino community,” wika ni Congen Tejada.
(Nanghingi siya
ng paumanhin dahil sa sex video at sinabing pribado niya itong pag-aari.
Pinaliwanag niya na ikinalat ito ng mga hacker. Gayunpaman, pinaalala sa kanya
ng ATN na ang mga ginawa niyang ito ay nagdulot ng kahihiyan at pandidiri sa
maraming Pilipino sa Hong Kong).
 |
| PINDUTIN PARA SA DETALYE |
Noon pa mang
Hunyo ng nakaraang taon ay naglabas na ng babala ang Konsulado tungkol sa paglalathala
ng mga malalaswang litrato o video sa social media. Sa ilalim ng “Control of Obscene
and Indecent Articles Ordinance of Hong Kong” ang ganitong gawain ay isang
krimen na maaring parusahan ng hanggang $1 million na multa at pagkakakulong ng
hanggang tatlong taon.
Maari ding
ituring ito na paglabag sa section 101 ng Criminal Procedure Ordinance ng Hong Kong
ana pinagbabawal ang paggawa ng anumang
bagay na nakakabahala sa moralidad ng publiko (“outraging public decency”) at magbigay ng masamang ehemplo sa iba.
 |
| PINDUTIN DITO! |
Ang parusa sa
ganitong paglabag ay pagkakakulong ng hanggang pitong taon.
Ito marahil ang
dahilan kung bakit naglabas na rin ng sarili niyang video si Cherry para
humingi ng paumanhin sa publiko tungkol
sa pagkalat ng kanyang sex video. Bagamat inilagay niya daw ito sa kanyang TikTok account ay naka pribado daw ang setting nito. Hindi daw
niya alam kung paano na hack ang account niya at nakuha ang video na ikinalat
agad sa komunidad.
 |
| PINDUTIN PARA SA DETALYE |
Nakiusap siya sa
lahat na itigil na ang pagpasa sa video dahil hindi naman daw niya intensyon na ipakalat ito.
Kasabay nito ay nag deactivate siya ng kanyang account sa Facebook sa ilalim ng pangalang “T-back Queen” kung saan ay marami siya dating na ipost na mga litrato na nagpapakita sa kanya na pawang seksi ang suot, at naglalakad o nagsasayaw na parang nanghihikayat.
 |
| BASAHIN ANG DETALYE |
Pero ang karamihan sa mga mapahangas niyang litrato o video ay kuha ng ibang tao, lalo na ng isang kaibigan niya na tumayo dati bilang personal niyang litratista at tagapagtanggol na Abby Sugar ang pangalan sa Facebook. Sa ilalim ng batas, pati sila ay damay kung sila ang nag post ng mga litrato o video na maituturing na malaswa.
Agad ding
tinanggal ni Abby Sugar ang mga kuha niya kay Cherry, at sa ilang post ay
nagpahiwatig na dumidistansya na siya dito. Nagpakita din ito ng litrato
ng kanyang passport at ticket, at
sinabing umuwi muna
siya sa Pilipinas dahil sa pagkadawit sa eskandalo.
Si Abby Sugar
ang kumuha ng mga litrato ni Cherry na walang takot na sumampa sa ilang mga
sasakyang nakaparada sa Chater Road dahil sa isang car show noong Nov. 7, at nag
sexy pose suot ang isang maong shorts na butas ang magkabilang gilid, at may
ternong bra na pang-itaas.
Bago ito ay
kinuhanan din niya si Cherry habang nakasakay sa MTR at ibinabalandra ang
katawan. Pagkagaling sa Chater Road ay naglakad pa ito papunta sa mataong
pasilyo ng World-Wide Plaza, na hindi
alintana ang pagkadismaya ng maraming tao sa paligid.
Maraming iba
pang litrato ang lumutang na nagpapakita sa 41 taong gulang na Pilipina na
ipinagpaparangalan ang katawan, mula sa pag-iinda indayog sa tabi ng dagat, pagsakay
sa bus, hanggang sa paglalakad sa mga matataong lugar na kakaunti ang saplot.
.jpg)
