 |
| Unang palapag ng WorldWide Plaza, kung saan nahuli ang Pilipinang tindera |
Isang Pilipinang nahuli sa isang raid ng Customs and Excise Department sa Worldwide Plaza sa Central noong Sept. 20 na nagtitinda ng mga pekeng branded na gamit, ang nahaharap sa mas malaking kaso matapos mabisto na nag-overstay na siya nang dalawa at kalahating taon.
Maliban sa pagtitinda at pagkakaroon ng pekeng branded goods
na gaya ng tsinelas, sapatos, bag at damit si Sandralyn Bartolome, 34 taong
gulang at dating domestc helper, ay sinampahan ng dagdag na kasong overstay at
ilegal na pagtatrabaho nang humarap siya noong Biyernes (Oct. 20) sa Eastern
Court.
 |
| PINDUTIN PARA SA DETALYE |
Dahil dito, hindi siya pinayagang magpiyansa at ikinulong
hanggang sa susunod na pagdinig sa Dec. 15.
Ang kanyang co-defendant sa kaso -- ang may-ari ng tindahan at
kapwa Pilipinang si Josefina Ygot, 39 taong gulang -- ay nakakalaya nang
pansamantala dahil sa pyansang $10,000.
 |
| Pindutin para sa detalye |
Pumayag si Principal Magistrate Ivy Chui sa hiling ng taga-usig na ipagpaliban ang
pagdinig sa Dec. 15 upang masuri ang mga produktong nasamsam ng mga operatiba
ng Customs, at paghahanda ng mga dagdag na kaso laban kay Bartolome.
Pinayuhan din ni Magistrate Chui ang dalawa na sumangguni sa libreng abogado
ng Duty Lawyer Service ng korte upang maging handa silang umamin o tumanggi sa
mga akusasyon sa araw na iyon.
 |
| PINDUTIN DITO! |
Ang dalawa ay sinampahan ng dalawang kaso ng paglabag sa
Trade Descriptions Ordinance nang mahuli silang nagtitinda ng isang pares ng
tsinelas na may markang “Hermes” at nagtatago ng 1,206 na iba pang produkto na may
pekeng marka upang itinda sa shop sa first floor ng Worldwide Plaza.
Ang mga markang nakatatak sa mga produkto ay Hermes, Gucci,
Prada, Tory Burch, Chanel, YSL, Longchamp, Asics, Nike, Adidas, Mickey Mouse,
Hello Kitty, Calvin Klein, Polo Ralph Lauren, Chloe, Christian Dior, Louis
Vuitton, Levi’s, Tommy Hilfiger, at Lacoste.
 |
| PINDUTIN PARA SA DETALYE |
Maliban dito, kinasuhan din si Bartolome ng pananatili sa
Hong Kong ng walang pahintulot ng Immigration. Nahuli siya noong Sept. 20, kahit na ang taning upang umalis
siya ay noon pang March 20, 2021, nang matapos ang kanyang kontrata.
At dahil nahuli siya habang nagtitinda, kinasuhan din siya
ng ilegal na pagtatrabaho habang overstay.
 |
| Pindutin dito |
Ang dalawang gawaing ibinibintang sa kanya ay ipinagbabawal
ng Immigration Ordinance.
 |
| PADALA NA! |
 |
 |
| CALL US! |
