Tatlong inaresto sa pub sa alley-alley, absuwelto

 

Dalawa sa tatlo ang nakalabas sa korte na malaya.

Inabsuwelto ngayon sa kasong ilegal na pagtatrabaho at pagtitinda ng alak nang walang lisensiya ang tatlong Pilipinang inaresto sa isang kainan sa alley-alley mahigit isang taon na ang nakalilipas.

Pero dalawa lang sa kanila – sina Myrna Reyes, 33 taong gulang, at Rowena Abelido, 42 -- ang nakalabas sa Eastern Court mahigit isang oras matapos basahin ni Deputy Magistrate Maria So ang hatol sa kanila.\

PINDUTIN PARA SA DETALYE!

Ang ikatlo, si Mary Jean Batalla, 52 taong gulang, ay sinundo at idinaan sa likod ng gusali ng dalawang Immigration officer dahil sa hiwalay na kaso, ayon sa napagtanungan ng The SUN. Lumabas sa paglilitis na na overstay nya ang kanyang visa ng walong taon.

Ayon kay Magistrate So, may posibilidad na hindi mga tamang tao ang naaresto nang mag-raid ang mga pulis sa ikawalong palapag ng Fai Man Bldg., sa Li Yuen Street West, Central noong Aug. 19, 2022.

PINDUTIN PARA SA DETALYE

Ayon sa kanya, hindi nagtugma ang deskripsyon ng unang dalawang saksi nang sila ay tumestigo tungkol sa suot at height ng tatlong babaeng inobserbahan nila ng dalawang oras, sa testimonya ng ikalawang pares ng saksi na siyang umaresto sa tatlo.

Sinabi niya tapat at mapagkakatiwalaan ang testimonya ng apat na saksi, na pawang mga pulis, pero hindi maitatatwa na magkaiba ang pagkakalarawan sa mga akusado.

BOOK YOUR FLIGHTS NOW! PRESS FOR DETAILS

Pinansin rin niya na wala ang unang dalawang saksi sa kainan nang arestuhin ang tatlo.

Si Batalla ay kinasuhan ng pagtitinda ng alak nang walang lisensiya, at pagtatrabaho kahit overstayer.

PINDUTIN PARA SA DETALYE

Si Reyes, na isang asylum seeker, ay kinasuhan din ng pagtitinda ng alak nang walang lisensiya, at pagtatrabaho kahit bawal, dahil mayroon nang utos na paalisin siya sa Hong Kong.

Si Abelido, na asylum seeker din, ay kinasuhan ng pagtatrabaho kahit bawal, dahil mayroon nang utos na paalisin siya sa Hong Kong.

Pagkatapos mahatulan, nakita ang tatlo na pumipila sa cashier ng korte upang bawiin ang kani-kanilang piyansang tig-$1,000.

Pindutin dito para sa iba pang mga detalye!

PADALA NA!

PRESS FOR DETAILS