Pilipinang overstay, nakitaan ng mahigit $1M sa bank account

 

Dati nang nasentensyahan ang Pilipina sa Eastern Court dahil sa drogat at pag-overstay 

Muling humarap sa Eastern Court kanina, Lunes, ang Pilipinang si Janice Lavinia Sahagun, 41 taong gulang, para sa kasong money laundering matapos itaas ang halaga ng perang galing sa krimen na dumaan sa kanyang account sa WeLab Bank sa $1,064,000.00

Si Sahagun ay dati nang nakakulong matapos mahatulan na makulong ng limang buwan at 10 araw noong June 23 dahil sa pag-overstay at paggamit ng droga.

PINDUTIN PARA SA DETALYE!

Sa kanyang unang pagharap sa korte noong Aug. 3 ay $170,000 lang ang perang galing sa krimen na unang nakita sa kanyang account na ginamit niya ng walong araw lang, mula Nov. 8 hanggang Nov 16 noong nakaraang taon.

Ayon sa sakdal, ang paggamit o paghawak ng perang galing sa krimen ay paglabag sa sections 25(i) at 25 (3) ng Organized and Serious Crimes Ordinance, Cap 455.

PINDUTIN PARA SA DETALYE

Ibinalik si Sahagun sa kulungan at inatasang bumalik sa korte sa October 9 para sa muling pagdinig ng kanyang kaso. Nauna dito ay nagpahiwatig siya na handa na siyang umamin sa bagong sakdal laban sa kanya, pero sa hindi malinaw na dahilan ay hindi niya tinuloy.

Ayon sa binasang salaysay bago siya sentensyahan sa kanyang naunang kaso ay na-terminate si Sahagun bilang domestic helper noong March 16 at hindi umalis ng Hong Kong pagkatapos ng itinakdang dalawang linggong palugit. Nang mahuli siya ay 13 araw na siyang overstay.

BOOK YOUR FLIGHTS NOW! PRESS FOR DETAILS

Para sa kanyang pananatili sa Hong Kong ng walang visa ay dapat siyang nakulong ng 7.5 buwan, pero binawasan ito ng 1/3 dahil sa kanyang ginawang pag-amin kaya naging 5 buwan na lang.

Ang dagdag na 10 araw ay dahil nakitaan siya ng isang plastic bag na may lamang 1.26 gramo ng shabu nang mahuli siya noong April 12 sa Sai Wan.

 

PINDUTIN PARA SA DETALYE

Matapos ang pagsusuring iniutos ni Magistrate Ivy Chiu kay Sahagun ay nakumpirma na ang droga ay para sa kanyang pangsariling gamit.

Ayon sa kanyang abugado, malinis ang record ni Sahagun bago siya maaresto.

Pindutin dito para sa iba pang mga detalye!

PADALA NA!

PRESS FOR DETAILS