 |
| Itutuloy ang kaso sa Shatin Court |
Isang Pilipina ang ibinalik sa kulungan nitong Biyernes matapos tanggihan ang hiling niyang makapag-piyansa sa kasong pagsisinungaling sa Immigration at pagtulong sa dalawa pa na magsinungaling din upang makakuha ng working visa bilang domestic helper.
Ayon sa kasong isinampa ng Immigration Department laban kay
Russel Eco, 33 taong gulang, nagsimula ang tatlong kaso ng pagsisinungaling noong
April 26 nang turuan at tulungan niya ang kapwa niya Pilipinang si Agnes Lovely
Villanueva na sabihin sa isang Immigration officer na magtatrabaho siya bilang domestic
helper sa isang Chan Hong Tak, kahit alam niyang hindi ito totoo.
 |
| PINDUTIN PARA SA DETALYE |
 | |
|
Ganito rin ang alegasyon sa ikalawang kaso, kung saan tinuruan
at tinulungan niya diumano noong June 6 ang kapwa Pilipinang si Elvira Caburnay, na magsinungaling
sa isang Immigration officer nang sabihin nitong magtatrabaho siya bilang DH
kay Ko Chi-ik.
Sa dalawang kasong ito, kinasuhan si Eco sa Shatin Court ng
paglabag hindi lang sa Immigration Ordinance, kundi maging sa Criminal
Procedure Ordinance.
 |
| PINDUTIN PARA SA DETALYE |
 |
| PINDUTIN PARA SA DETALYE |
Ayon sa Section 42 (1) (a) ng Immigration Ordinance, ang
pagsisinungaling sa Immigration ay may kaparusahang aabot sa dalawang taong
kulong at multang aabot sa $100,000 kung ang kaso ay hindi umabot sa
paglilitis, hanggang pagkakakulong ng 14 na taon at multang $150,000 kapag
nilitis.
Ayon naman sa Section 89 ng Criminal Procedure Ordinance, ang
pagtuturo at pagtulong sa mga tao upang magsinungaling sa isang kawani ng
gobyerno ay itinuturing na gumawa ng kaparehong pagkakasala at may parusang aabot
sa dalawang taon at multang $5,000 para sa maliliit na kaso.
 |
| PINDUTIN PARA SA DETALYE |
Sa ikatlong kaso ay inakusahan si Eco ng paglabag ng Immigration
Ordinance, dahil siya na mismo ang nagsinungaling nang sabihin niya sa isang
Immigration assistant noong Aug. 12 na siya ay magtatrabaho bilang DH kay Wong
Lut-ki Nikki George.
Itinakda ang susunod
na pagdinig sa Dec. 22.
 |
| PADALA NA! |
 |
| CALL US! |
