Umuwi na ang Pilipinang sinakal ng amo

Kuha ni April Jane paglapag sa NAIA

Lumipad na pauwi sa Pilipinas si April Jane V. Dadula, ang Pilipina na nai-video ang sarili noong Biyernes ng gabi habang pinagsisigawan bago sinakal ng among babae na mukhang wala sa sarili.

Ayon kay Dadula, gusto na lang daw muna niyang mapahinga ang isip niya, pero gusto pa rin niyang ituloy ang kaso laban sa kanyang amo. Babalik na lang daw siya sa Hong Kong sakaling ipatawag siya ng mga pulis para tumestigo sa kaso.

PINDUTIN PARA SA DETALYE!

Si Dadula ay taga Oton, Iloilo at mag-isang itinataguyod ang kanyang anak na lalaki.

Bago siya umalis ng Hong Kong kaninang 6pm ay pinatira siya ng mga opisyal ng Migrant Workers Office sa kanilang shelter sa Sheung Wan, at tinulungang masingil ang mga dapat bayaran sa kanya mula sa kanyang among lalaki na siyang nakapirma sa kanyang kontrata.

Pindutin para sa detalye

Pagdating sa kanilang bayan ay itutuloy daw niya ang counseling na isinaayos ni social welfare attaché Rem Marcelino at susubukang mag-apply ng mga benepisyo mula sa Overseas Workers Welfare Administration, katulad ng tulong pangkabuhayan.

Nag video si Dadula matapos bumaba sa bahay ng kanyang mga amo sa Lai Chi Kok bandang 9:30 ng gabi noong Biyernes. Gusto daw kasi niyang ipakita ang amo habang hinahalungkat nito ang mga gamit niya at baka may ilagay doon na gamit nila, at tapos pagbintangan siya.

PINDUTIN PARA SA DETALYE

Ayon kay Dudula, tatlong linggo pa lang siya sa kanyang mga amo nang magdesisyon siyang umalis dahil hindi na niya makayanan ang ugali ng among babae na laging nakasigaw, lalo kapag nakainom ito sa gabi.

Madalas din daw siyang sabihan na huwag silang pagnanakawan kaya natakot siya na baka tamnan ng sarili nilang mga gamit ang kanyang mga bag.

BOOK YOUR FLIGHTS NOW! PRESS FOR DETAILS

Bago siya lumipat sa mga ito ay naka pitong buwan daw siya sa kanyang unang amo sa Hong Kong na mabait sana, kaya lang ay nagdesisyong manirahan na lang sa China.

Nang mag-umpisa na siyang mag video ay kitang kita ang pagbaba ng kanyang amo na isang Haponesa daw, nguni’t nang magsisigaw sa video ay Intsik ang gamit na salita.

BASAHIN ANG DETALYE

Halatang hindi nito nagustuhan ang pag vi video ni Dadula dahil bigla nitong hinablot ang Pilipina at inipit ang leeg gamit ang kanyang braso. Makatatlong beses niya itong ginawa bago sumigaw nang parang nababaliw at hinampas ang sarili sa metal na haligi ng gusali.

Ang employer (nakaputing pantaas) habang kinukunan ng video si April Jane

Kinabukasan ay kinumpirma ng mga pulis na inaresto nila ang 48 taong gulang na employer sa kasong “common assault” o simpleng pananakit, at dinala naman sa ospital si Dadula.

Ayon kay Dadula, kinuhanan siya ng pahayag ng mga pulis pagkatapos. Pero sa pagkakaalam daw niya ay pinayagan ng mga pulis na magpyansa ang amo niya.

PADALA NA!

PRESS FOR DETAILS