The SUN HK : Mag-ingat sa carbon monoxide habang nagluluto: CHP

24 August 2023

Ang carbon monoxide ay galing sa kalan. (Photo: NPR)

Siguruhing may pumapasok na hangin sa kusina kapag nagluluto. Kung hindi ay baka matulad sa tatlong taga-Kowloon na isinugod sa Queen Eizabeth Hospital dahil nahilo at nawalan ng malay habang nagluluto.

Naglabas ngayon ng ganitong babala ang Centre for Health Protection (CHP) ng Department of Health matapos i-report sa kanila ng QEH na isang lalaki at dalawang babae ang dinala sa kanila matapos makalanghap ng carbon monoxide.

PINDUTIN PARA SA DETALYE!

Ayon sa CHP, dapat mag-ingat laban sa carbon monoxide dahil ang gas na ito ay walang amoy, walang kulay at walang lasa kaya hindi mapapansing nalalanghap -- hanggang ang epekto nito sa katawan ay nararamdaman na.

Ang sintomas ng paglanghap ng hangin na may mababang konsentrasyon ng carbon monoxide ay pagsakit ng ulo, pagsusuka at pagkaramdam ng pagod.

Pindutin para sa detalye

Kapag mataas ang gas na ito sa hanging nalanghap, makakaramdam ng malabong paningin, kawalang malay, pinsala sa utak, at kamatayan.

Ang tatlong biktima, na may edad 13 hanggang 48, ay nakaramdam ng pagkahilo habang nagluluto sa kani-kanilang bahay noong Lunes, Aug. 21.

PINDUTIN PARA SA DETALYE

Unang dinala ang tatlo sa QEH sa Yai Ma Tei upang lapatan ng paunang lunas, at inilipat sa Pamela Youde Nethersole Eastern Hospital sa Chai Wan upang doon gamutin. Sila ngayon ay nagpapagaling na.

Sa imbestigasyon, lumabas na ang tatlo ay nagluluto sa kusina na sarado ang mga bintana, at hindi umaandar ang range hood na sumisipsip ng hangin palabas.

BOOK YOUR FLIGHTS NOW! PRESS FOR DETAILS

Walang nakitang sira ang mga kalan na ginamit ng tatlo, kaya ang konklusyon nila ay tumaas ang carbpn monoxide sa hangin sa loob ng kanilang mga kusina.

Ayon sa CHP, dapat ay laging may maayos na bentilasyon – o bukas na bintana -- ang mga kusina habang nagluluto upang maiwasan ang pag-akyat ng konsentrasyon ng carbon monoxide.