The SUN HK : Among nanakal sa Pilipina sa kumalat na video, arestado

Kuhang kuha sa video ang pananakal sa Pilipina ng amo

Kinumpirma ng mga pulis na inaresto nila kagabi ang isang employer na nakita sa isang Facebook live feed na sinakal nang ilang beses ang kanyang Pilipinang domestic helper sa labas ng kanilang bahay sa Lai Chi Kok.

Ang mismong helper na si April Jane V. Dadula ang nag video ng kanilang pag-aaway sa kanyang Facebook page. https://www.facebook.com/watch/live/?ref=watch_permalink&v=852196799953702

PINDUTIN PARA SA DETALYE!

Ayon sa pulis, nakatanggap sila ng tawag bandang 9:40pm nitong Biyernes ng gabi tungkol sa kaguluhan sa tapat ng isang gusali sa Sham Mong Road, distrito ng Cheung Sha Wan.

Inaresto daw nila ang isang 46 taong gulang na babae dahil nakita nila sa video na sinaktan nito ang 26 taong gulang na domestic helper niya dahil nagalit nang vini video siya nito.

Pindutin para sa detalye

Dinala nila ang amo sa presinto at patuloy na iniimbestigahan sa kasong “common assault”, samantalang ang biktima ay dinala sa ospital.

Sa kanyang live video, ilang beses na nanawagan si Dadula sa mga nanonood na tumawag ng pulis, pero ang kanyang paghingi ng tulong ay diniretsa kay Pangulong Bongbong Marcos at Senador Raffy Tulfo, na pinuno ng Committee on Overseas Workers Affairs sa Senado.

Pindutin para sa detalye

Marami naman sa mga nag komento ang nagsabi na tigilan na niya ang pagvi video at tumawag na lang ng pulis.

Ganito din ang sinabi ni Assistant Labor Attache Antonio Villafuerte nang tanungin tungkol sa video. “Dapat po tawag siya agad ng pulis to witness it.”

Dagdag ni Villafuerte, agad silang nagpadala ng mensahe sa Facebook kay Dadula pero hindi daw sila sinasagot nito.

Ang employer habang palabas ng gusali kung saan sila nakatira

Ayon naman kay Dadula, ang dahilan ng kanyang pagla live video ay para ipakita na walang lamang nakaw ang kanyang mga gamit na nilabas niya mula sa bahay ng amo matapos siyang magbigay ng pasabi na aalis na siya. Natatakot daw kasi siya na lagyan ng amo ng ibang gamit ang kanyang mga bag at palabasin na nagnakaw siya.

Dahil hindi nagustuhan ng amo ang kanyang pag vi video, ay pinagsisigawan siya nito at ilang beses na inipit ang leeg ng Pilipina sa kanyang mga braso. Matapos ito ay sumigaw ang amo nang pagkalakas-lakas, at inuntog ang katawan sa isang metal na haligi.

PINDUTIN PARA SA DETALYE

Maririnig ang ilang mga tao sa paligid na kinakausap ang Pilipina nang mahinahon, at sinasabing kumalma siya. Base sa sinabi ng mga pulis, ang mga kapitbahay nila ang tumawag para humingi ng saklolo.

May 3 beses na inipit ng amo ang leeg ni Dadula sa kanyang mga kamay

Natapos ang video sa pag-aayos ng mga gamit ni Dadula, na nakuha pang ngumiti nang ipakita sa camera ang tatak ng isang pares ng kanyang sapatos.

Kaninang umaga ay muling nag post sa kanyang Facebook page si Dadula at ikinuwento na hinuli na ang kanyang amo at dinala naman sya sa ospital bago siya tumuloy sa isang boarding house.

BOOK YOUR FLIGHTS NOW! PRESS FOR DETAILS

Kuwento niya, tatlong linggo pa lang siya sa mag-asawang amo, na Haponesa ang babae at Intsik ang lalaki. Madalas daw manigaw ang babae lalo na kapag nakakainom ito sa gabi.

Lahad pa ni Dadula, lumipat nang biglaan ang dati niyang amo sa China, kaya agad-agad siyang pumirma ng kontrata sa mga bagong amo kahit hindi siya palagay sa mga ito sa umpisa pa lang.

BASAHIN ANG DETALYE

Katulad ng kanyang pangamba ay hindi na naging maayos ang kanilang samahan dahil lagi daw siyang hina-harass ng among babae at sinasabihan ng “Don’t steal anything from me.” Dahil dito ay natakot siyang baka tamnan ng gamit ng amo ang kanyang mga bag pagkatapos niyang magpaalam na aalis na lang.

Uuwi na lang daw siya, sabi ni Dadula, para mapahinga ang kanyang isip

Dahil sa nangyari ay nagpasya daw siyang umuwi na lang sa Pilipinas para maisaayos ang kanyang mental health.

Sa isang hiwalay na post ay nagpasalamat naman siya sa mga nagpaabot sa kanya ng tulong pinansiyal, Inilagay din niya ang kanyang Alipay QR code para sa ibang gustong tumulong din.