The SUN HK : OFW, pumanaw 2 araw bago ang takdang pag-uwi sa Pilipinas

Si Rovelyn ay dating malusog bago nahawaan ng TB

Nakatakda nang umuwi sa Pilipinas si Rovelyn P. Mendoza, 36 taong gulang, nang biglang manikip ang kanyang lalamunan bandang 6am nitong June 28, kaya sinugod sya sa Kwong Wah Hospital.

Nagdesisyon ang mga doktor na operahan siya agad matapos makitang nagsasara na ang kanyang mga vocal cords kaya hindi sya makahinga, pero pumanaw siya habang nasa operating room.

PINDUTIN PARA SA DETALYE!

Inulila niya ang kanyang asawa na si Ruben Ragudo at dalawang anak, edad 13 at 6 taong gulang. Nakatakda sana siyang umuwi na nitong June 30 dahil lagi siyang nagkakasakit simula nang pagpasok ng taon, pero hindi na niya nagawa.

Ayon kay Marites Palma ng Social Justice for Migrant Workers na isa sa mga hiningan ng tulong ni Rovelyn, hinahanapan daw sana nila ng makakasama ito pauwi dahil laging sumasakit ang lalamunan at hirap nang magsalita, nang malaman nilang bigla itong pumanaw.

Pindutin para sa detalye

Hinihintay pa ang resulta ng autopsy sa kanyang labi, pero hinihinala ng mga doktor na ang kanyang pagkamatay ay may kinalaman sa tuberculosis sa kanyang spinal column na nakita nito lang Pebrero pero hindi alam kung saan niya nakuha.

Maaari din daw na lumala ito matapos magka Covid-19 si Rovelyn noong Disyembre. Magmula daw kasi nang mangyari ito ay lagi na lang sinasabi ng yumao na nahihirapan siyang huminga.

PINDUTIN PARA SA DETALYE

Ayon sa naluluhang pahayag ng kanyang nakababatang kapatid na si Ronalyn na dalawang linggo pa lang sa Hong Kong, parang hinintay lang siya ng kanyang ate na makarating dito bago ito namaalam.

“Kahit nahihirapan na siya, hinintay pa rin niya akong makarating dito,” sabi ni Ronalyn.

BOOK YOUR FLIGHTS NOW! PRESS FOR DETAILS

Ang ate daw niya ang gumastos sa lahat para makapagtrabaho siya sa Hong Kong, at matulungan ang sariling pamilya sa Pilipinas.

Si Rovelyn ay anim na taon nang nagtatrabaho sa Hong Kong, pero tatlong taon pa lang sa among taga Olympic Station.

BASAHIN DITO

Sabi ni Ronalyn, nagrereklamo dati ang kanyang ate na pagod siya sa trabaho pero ni minsan ay hindi nagsabing gusto na niyang umuwi, lalo at malaki ang naitutulong niya sa pamilyang iniwan sa Pilipinas.

Sobrang matulungin daw ng kanyang ate kahit sa mga panahong malala na ang kanyang sakit..

Isa lang daw ang laging sinasabi nito sa kanya, ang mag-ipon para sa sarili dahil hindi masasabi ng sinuman kung kailan sila magkakasakit, katulad nang nangyari sa kanya.

Kahit nakapagbitiw na si Rovelyn ay inako pa rin ng kanyang amo ang lahat ng gastusin sa pagpapauwi sa bangkay, kabilang ang para sa autopsy, death certificate at bayad sa punerarya.

May makukuha din ang kanyang mag-aama ng Php150,000 mula sa Overseas Workers Welfare Administration para sa pagpapalibing sa yumao, at scholarship para sa kanyang bunsong anak.

(Ang sino mang gustong tumulong sa pamilya ni Rovelyn ay maaring ipadala sa Alipay account ng kanyang pinsang si Aileen Exconde, tel no 62858675. Maari ding kontakin ang kanyang kapatid na si Ronalyn Mendoza, 5682 3375.)