 |
| Inaasahang takbo ng bagyo (photo: Pagasa). |
Mapapawi n ang mainit na panahon sa Hong Kong at mapapalitan
ng tag-ulan bukas dahil paparating na ang makakapal na ulap na dala ng bagyong Dodong (o Talim) na kaaalis lang
nitong umaga sa baybayin ng Pilipinas.
Ayon sa Hong Kong Observatory, magiging maulan at mahangin
mula bukas (Linggo) hanggang sa susunod na Linggo lalo at ang papalapit na bagyo
ay inaasahang maging Typhoon Talim sa madaling araw ng Martes.
Itinaas kanina ang Tropical Cyclone Signal No. 1, pero hindi
inaasahan na lalapit ang bagyo sa loob ng 500 kilometro mula sa Hong Kong.
Gayunpaman, nagbabala ang Observatory na magiging maulan
mula bukas dahil dala ng bagyo ang mga ulap na bumubuo sa Southwest Monsoon at
magiging maalon ang karagatan sa paligid ng Hong Kong.
Naglabas din ito ng mga paalala para makapaghanda ng mga tao
sa pagsungit ng panahon, gaya ng:
Siguruhing maayos isara ang mga pinto at bintana.
- Humandang lumikas kung nasa mababang lugar dahil sa baha na
magiging result ng malakas na ulan.
- Huwag munang magpunta at maligo sa mga baybayin, dahil
malalaki ang alon.
- Makinig sa TV at radio, ay bumisita sa website ng
Observatory para sa pinakasariwang balita tungkol sa lagay ng panahon.
- Samantala, umuusad ang Dodong sa West Philippine Sea patungong South China, at habang papalayo sa Pilipinas
ay lumalakas ang hangin.
Inaasahan itong maging typhoon bandang 2am ng Martes, mga
tatlong oras bago ito humampas sa Zhanjiang, China, sa kanluran ng Hong Kong.
Kung nagbabadya ang bagyo sa Hong Kong, iniwan naman nitong
lubog ang malalawak na lugar sa Pilipinas at nagsanhi ng bilyon-pisong pinsala
sa mga pribadong ari-arian, pananim at mga daan, tulay at iba pang pasilidad na pampubliko.
Humina na ang pagbugso ng hangin, pero patuloy pa rin ang ulan sa karamihang bahagi ng Pilipinas na nagsasanhi ng malawakang pagbaha, ayon sa Pagasa (Philippine Astronomical, Geophysical, and Atmospheric Services Administration).
