![]() |
Sa ospital namatay ang ina niya |
Napagtanto ng isang Pilipina ang kahalagahan ng pagsasabi ng totoo kapag may kausap na pulis nang mahatulan siyang nagkasala sa Eastern Court, dahil hindi niya agad sinabi ang tunay na pangalan ng namatay niyang ina.
Mabuti na lang at imbes ipakulong ni Principal Magistrate
Ivy Chui si M. Austero, 41 taong gulang na domestic helper, ay pinatawan
siya ng apat na linggong pagkabilanggo -- na suspendido nang 12 buwan.
![]() |
PINDUTIN PARA SA DETALYE! |
Dahil dito, makakaiwas siya sa kulong kung hindi siya
magkakasala sa loob ng susunod na isang taon.
Ang naging dagok sa kanya, ayon sa kanyang abogado, ay ang
pagka-terminate niya sa trabaho ngayon lang, dahil sa kaso. Nakaka-siyam na
buwan na siya sa ikalawang kontrata sa amo.
Nademanda si Austero matapos dalawang beses siyang
magsinungaling sa dalawang pulis na nag-iimbestiga sa pagkamatay ng kanyang ina
noong nakaraang Enero.
![]() |
EXTENDED TO JUNE 30!! |
Noong Jan 11, sa Ruttonjee Hospital sa Queen’s Road East,
kung saan dinala ang kanyang ina nang mahilo ito at tuluyang mamatay, sumagot
siya ng oo nang tanungin siya ng dalawang pulis kung ang pangalan nito ay Ruth
Babarano, batay sa HK ID na nakuha sa kanya.
Ito rin ang sagot niya kinabukasan nang nadala na sa Victoria Public
Mortuary ang bangkay at tanungin ulit kung ang pangalan nito ay Ruth Babarano.
Lumabas kalaunan na ang tunay na pangalan ng namatay ay
T. Hortado, na isang overstayer na gumagamit ng HKID ng ibang tao.
![]() |
BOOK YOUR FLIGHTS NOW! PRESS FOR DETAILS |
Dahil sa pagsisinungaling ni Austero, kinailangan ng dagdag
na imbestigasyon tungkol sa tunay na pagkakakilanlan ng namatay, na nakapag-antala sa imbestigasyon ng mga kaso sa pulisya.
Sinabi naman ng kanyang abogado na “honest mistake” ang
maling sagot ni Austero sa pulis, at ito ay dahil sa nerbiyos at paghangos niyang
makita ang kanyang ina, na noon ay patay na sa ospital.
Nalaman lang daw niya ang nangyari sa kanyang ina nang
tawagan siya ng boyfriend nito.
![]() |
BASAHIN DITO |
Tinanggap ni Magistrate Chui ang rason ng kanyang abogado,
at agad sinabing isususpinde niya ang sentensiya ni Austero.
Pero kailangan pa rin niyang bigyan ito ng sentensiyang anim
na linggo, na binawasan niya ng 1/3 dahil sa agad nitong pag-amin, upang maging leksyon kay Austero at nang hindi na siya umulit.
![]() |
PADALA NA! |
![]() |
PRESS FOR DETAILS |