 |
| Sa 23 Vietnamese na pinauwi, 22 ay asylum seekers |
Isang grupo ng mga
Vietnamese na illegal immigrant ang
isinakay sa eroplano ng mga Immigration agents pauwi sa kanilang bansa noong Biyernes,
May 12.
Ayon sa pahayag ng
gobyerno, sa 23 kataong pinauwi, 22 ay may isinampang kaso na “non-refoulement”
o laban sa puwersahang pagpapauwi sa kanila. Sabi ng immigration, wala naman
kasing basehan ang kanilang kaso.
Itinuring silang mga
illegal immigrant dahil nakapasok sa Hong Kong nang hindi dumaan sa masusing
proseso – maaring peke o hindi kanila ang mga dokumentong ipinakita nila
pagdating.
Nang makapasok na sa
Hong Kong ay agad silang nagsampa ng petisyon para hindi sila pauwiin.
Ayon sa immigration,
kabilang sa 11 lalaki at 12 babae na pinauwi ang mga nakulong dahil may
ginawang krimen.
Muli ay nagbabala ang Immigration na patuloy nilang papabilisin ang pagpapauwi ng mga nakapasok sa Hong Kong nang illegal, o nanatili dito lampas sa takdang panahon na ibinigay sa kanila pagdating (overstayer).
 |
| 12 sa mga pinauwi ay babae |
Mas malala ang parusa
kapag napatunayan na nagtrabaho sila, na pinagbabawal sa kaso ng mga sumusunod:
mga illegal immigrant, mga inutusang umuwi na at ayaw sumunod, mga overstayer o
iyong tinanggihang makapasok sa Hong Kong pero hindi agad mapauwi.
Ang parusa sa kanila ay
multa ng hanggang $50,000 at kulong ng tatlong taon.
Ang mga lumabag sa batas
ay sesentensyahan batay sa itinakdang parusa para sa krimen na nagawa nila bago
papauwiin.
