The SUN HK : Laruang eroplano na sinira ng Customs sa Manila, pinalitan ng Cathay

Ang bagong eroplanong ipinalit sa sinira ng Customs sa Manila

Napalitan na ang laruang eroplano na pasalubong sana ni Rachelle Anne Ramos pero winasak ng mga taga Bureau of Customs nang dumating siya noong March 25 sa Manila airport dahil sa suspetsang may laman itong droga.

Ang kapalit na eroplano, na isang souvenir item mula sa Cathay Pacific na nagkakahalaga ng HK$700 sa kanilang website, ay ibinigay kay Ramos ng staff ng airline nang dumating siya mula sa pagbabakasyon sa Singapore noong April 24.

PINDUTIN PARA SA DETALYE!

“After nag-viral po ang video eh may nagreach out na staff ng Cathay Pacific sa akin,” ika niya sa isang Messenger chat sa The SUN.

Kasama ng laruang eroplano ay isang passport holder, na souvenir item din ng Cathay, at isang sulat mula sa manager ng airline sa Pilipinas.

Pindutin para sa detalye

Noong una ay ipapa-courier sana ang mga regalo sa bahay nila sa Ilocos Sur, pero sinabi ni Ramos na paalis siya papuntang Singapore. Kaya nang bumalik siya noong gabi ng April 24, nakaabang na ang staff ng Cathay sa airport at ibinigay sa kanya ito nang personal.

Sa kanyang Facebook post noong April 25, sinabi niya: “Thanks to Cathay Pacific Airlines Philippines for this token. I appreciated it a lot. Thanks to Ma’am Anna who reach out for me after the incident happened. God bless you all po! And nice meeting you all in person po.”

Pindutin para sa detalye

Babalik sa May 20 sa Hong Kong si Ramos, na isang nurse sa Pilipinas at ngayon ay nagtatrabaho bilang domestic helper sa Ma On Shan, sakay ng Philippine Airlines na siya ring sinakyan niya nang umuwi siya sa Pilipinas.

Sinabi niya na wala siyang sama ng loob sa mga taga-Customs sa Ninoy Aquino International Airport na sumira sa pasalubong niya.

Rachelle Anne Ramos

“Kasi I’m the one who told them to destroy the plane to check what is inside po, kasi sabi nila may nakikita na image sa loob,” dagdag niya.

“About sa buong Customs, siguro ang masasabi ko is dapat more improvement pa sa service para hindi na humantong sa basagan ng gamit. Or maybe use a proper tool to open the plane,” ika niya.

PINDUTIN PARA SA DETALYE

At para makaiwas ang mga OFW sa dinanas niya, ito ang kanyang payo: “Siguro, if there is something na kakaiba na display or toys better to send it by cargo na lang.”

Nag viral kamakailan ang post ni Ramos kung saan ipinakita niya kung paano winasak ng mga taga-Customs ang laruang eroplano, at nakita ang “parang aspalto” sa loob.

BOOK YOUR FLIGHTS NOW! PRESS FOR DETAILS

Sa kanyang kuwento, dalawang beses pinadaan sa X-ray machine at dalawang beses ding pinaamoy sa sniffer dogs ang laruan, pero walang nakita. Kaya lang, ayaw din siyang paalisin kaya inalok niyang wasakin na lang nila ito para makasiguro sila.

Bandang huli ay hindi na din daw itinuloy ng ahente ang pagwasak sa buong eroplano dahil ayaw daw nitong mabasag ang semento kung saan ipinatong ang laruan.