 |
| Ang basketball court na pinangyarihan ng krimen. (Google Maps photo) |
Tuluyan nang nakaiwas sa kulong ang isang Pilipinong nauna nang umamin na nagnakaw ng isang iPhone sa isang basketball court sa Hong Tat Path sa Tsim Sha Tsui.
Sa halip ay inutusan ng Kowloon City Magistracy acting Principal
Magistrate na si Peony Wong na magbigay si C. Zulueta, 20 taong gulang, ng 240
oras na libreng serbisyo sa komunidad.
 |
| PINDUTIN PARA SA DETALYE |
Sa report na ginawa ng probation officer tungkol kay Zulueta,
tinanggap ang community service order (CSO) bilang angkop na parusa sa kanyang
nagawa, kung ituturing ang kanyang edad noong nangyari ang krimen na 19 na
taong gulang.
Ayon sa kanyang abogado, suportado rin ito ng kanyang pamilya.
 |
| PINDUTIN PARA SA DETALYE |
Ipinayo niya na ang CSO ay gawing 80 hanggang 160 oras.
Tutal naman, ika ng abogado, naibalik na sa may-ari ang
telepono, at pinabayaan niyang walang bantay ang kanyang mga gamit kaya nanakaw.
 |
| BOOK YOUR FLIGHTS NOW! PRESS FOR DETAILS |
Pero ani Magistrate Wong, dinamihan niya ng araw ang CSO ni
Zulueta dahil sa bigat ng krimen at upang maging aral para sa kanya.
Binalaan niya rin si Zulueta na pagbutihin ang kanyang trabaho,
dahil kapag nag-report ang probation officer na hindi maayos ang ginawa niyang serbisyo sa komunidad o gumawa siya ng bagong pagkakasala, ay ibabalik sya sa
korte at bibigyan ng parusang mas nararapat.
 |
| PINDUTIN PARA SA DETALYE |
Basahin ang dagdag na detalye sa nauna naming report tungkol
dito: https://www.sunwebhk.com/2023/01/pilipino-maaaring-makaiwas-kulong.html
 |
| PADALA NA! |
 |
