The SUN HK : Pilipina kinasuhan ng pagpapabaya sa anak na nahulog sa gusali

24 February 2023

Ang gusaling pinangyarihan ng insidente

Isang Pilipina ang nahaharap sa kasong pagpapabaya sa batang nasa kanyang kalinga matapos mahulog ang kanyang anak mula sa tinitirhan nilang flat sa unang palapag ng isang gusali sa Sheung Wan habang naghahatid siya ng isa pang anak sa paaralan.

PINDUTIN PARA SA DETALYE

Ayon sa imbestigasyon ng pulis, naiwan ang tatlong taong batang lalaki bandang 8am noong Martes (Feb. 21) sa kanilang tinitirhan na isang subdivided flat sa Si Toi Commercial Building sa 62 Connaught Road West.

Habang wala ang ina na 25 taong gulang at may asawang Intsik, lumabas ng kanilang silid ang bata at umakyat sa bintanang walang grills at saka nahulog.

PINDUTIN PARA SA DETALYE

Ayon sa sa isang guwardiya ng katapat na gusali, narinig niya ang mga sigaw nang bumagsak ang bata at nakita niya itong nakahandusay sa semento.

Isang babaeng dumaraan lamang nang mangyari ang insidente ang agad tumawag sa 999 upang humingi ng saklolo para sa bata.

Pindutin para sa detalye

Inabutan pa ng Pilipina ang duguang anak niya na nakahandusay sa sidewalk, katabi ng kanyang laruang baril-barilan.

Nakitang nakahawak ang bata sa daliri ng ina habang isinasakay ito sa ambulansiya na nagdala sa kanya sa emergency ward ng Queen Mary Hospital sa Pok Fu Lam.

Pindutin para sa detalye

Ayon sa mga report, ligtas na ang bata.

Pero ang kanyang ina ay inaresto sa kasong pagpapabaya sa anak na may parusa na hanggang 10 taong pagkabilanggo.

PINDUTIN PARA SA DETALYE

Ayon sa report ng The Standard, ang ama ay wala sa Hong Kong.

Hindi agad sinabi kung sino ang naiwan sa dalawang bata habang iniimbestigahan ang ina, o kung pinakawalan agad siya, kapalit ang piyansa.

BOOK YOUR FLIGHTS NOW! PRESS FOR DETAILS

Ito ang ikalawang insidente ng pagkahulog ng bata mula sa isang gusali sa loob ng tatlong araw.

Nauna rito, namatay ang isang tatlong taong batang babae matapos mahulog bandang 6pm noong Linggo (Feb. 21) mula sa kanilang bahay na nasa 8^th floor ng isang gusali sa Kwun Tong.

PINDUTIN PARA SA DETALYE

Ayon sa report, naglalaro sa isang higaan ang bata, kasama ang kanyang ate na anim na taong gulang at pinsan na 12 taon, nang mahulog ito sa katabing bintana.

Buhay pa ang bata nang dumating ang emergecy personnel, pero namatay ito matapos nilang dalhin sa Queen Elizabeth Hospital sa Yau Ma Tei.