The SUN HK : Pilipina sinampahan ng 5 kaso matapos mahuli sa raid sa ale-ale

Itutuloy sa Eastern Courts ang kaso ng Pilipina sa Pebrero

Patong-patong na asunto ang kinakaharap ng isang Pilipina dahil sa pagkakahuli niya sa isang raid ng mga pulis sa kainan na kanya diumanong pinatatakbo sa Li Yuen West sa Central, na kilala bilang “ale-ale”.

Sinampahan ng limang kaso si Mary Jane Batalla sa Eastern Court, pero ipinagpaliban ni Magistrate Jason Wan ang pagpapatuloy ng pagdinig sa ika-8 ng Pebrero dahil sa hiling ng taga-usig ng dagdag na panahon para sa konsultasyong legal.

PINDUTIN PARA SA DETALYE

Pinakawalan si Batalla, 52 taong gulang at aplikante sa non-refoulement o pagpigil sa gobyerno sa puwersahang pauwiin siya sa Pilipinas, sa piyansang $1,000.

Ang unang kaso ni Batalla ay ang pagtitinda ng alak nang walang lisensiya, na ipinagbabawal ng Dutiable Commodities (Liquor) Ordinance.

PINDUTIN PARA SA DETALYE

Nahuli diumano siya sa gawaing ito, noong Aug. 19, 2022 sa 8^th floor ng Fai Man Bldg.

Kinasuhan din siya ng pagkakaroon ng ipinagbibiling alak, na paglabag din sa naturang batas.

BUY NOW PRESS HERE

Inakusahan din siya na ang nagpapatakbo ng kainan nang walang karampatang pahintulot kaya kinasuhan siya ng paglabag sa kondisyon ng kanyang paglagi sa Hong Kong bilang turista, na labag sa Immigration Ordinance.

PINDUTIN PARA SA DETALYE

Nang hanapan siya ng mga dokumento, nalaman din na siya ay overstaying. Dumating siya sa Hong Kong bilang turista at pinayagan lamang siyang maglagi dito ng hanggang July 7, 2008, pero hindi siya umalis sa Hong Kong hanggag mahuli noong nakaraang Agosto.

BOOK YOUR FLIGHTS NOW! PRESS FOR DETAILS

At dahil bukas ang kainan sa oras na dapat ay sarado ito, kinasuhan din si Batalla ng paglabag sa Prevention and Control of Disease Ordinance (Requirements and Direction) (Business and Premises) Regulation.

HOW TO AVAIL? PRESS HERE

Noong Dec. 16, 2022, isang Pilipina ang ikinulong ng 10 linggo matapos mahatulang nagkasala sa limang kaparehong kaso na isinampa sa kanya sa Eastern Magistracy.

Napatunayang nagkasala si Mary May Soriano dahil sa pagtitinda ng alak nang walang lisensiya, pagkakaroon ng alak na pambenta nang walang lisensiya, paglabag sa panuntunang ipinatutupad noon laban sa pagkalat ng Covid-19 dahil nanatiling bukas ang kainan lampas sa 10pm na itinakdang oras ng pagsasara, ang pagpayag niyang magkumpulan nang illegal ang mga tao sa lugar na kanyang pinatatakbo, at pagtatrabaho nang ilegal dahil ayon sa Immigration Ordinance ay bawal magtrabaho o magtayo ng negosyo ang isang turistang gaya niya.

PINDUTIN PARA SA DETALYE

Nahuli si Soriano at isa pang Pilipina noong March 13, 2021 sa Room 203 ng Fai Man Bldg., sa isang raid ng mga pulis kaugnay ng kampanya ng gobyernong Hong Kong laban sa ilegal na pagtatrabaho.

Nahatulan ni Magistrate Edward Wong noong Nov. 30 na nagkasala si Soriano sa lima sa siyam na paratang sa kanya, pero pinawalang sala ang isang kapwa niya Pilipina na nahuli din sa parehong raid.