The SUN HK : Pilipinang nakulong kasama ang sanggol niya, mananatili pa ng 2 buwan sa preso

16 December 2022

Nahatulan sa Eastern Magistracy ang Pilipina.

Isang Pilipina na nauna nang nahatulang nagkasala sa limang kasong isinampa sa kanya sa Eastern Magistracy – apat na may kinalaman sa pagpapatakbo ng isang kainan sa Central at isa dahil nag-trabaho siya nang bawal -- ang ikinulong ngayon nang 10 linggo.

Dahil napagsilbihan na ni Mary May Soriano ang dalawang linggo sa kanyang sentensiya, na kasama ang kanyang sanggol na anak na babae, makalalabas na ang mag-ina sa loob ng dalawang buwan.

PINDUTIN PARA SA DETALYE

Nahuli si Soriano at isa pang Pilipina noong March 13, 2021 sa Room 203 ng Fai Man Bldg., sa Li Yuen West sa Central sa isang raid ng mga pulis kaugnay ng kampanya ng gobyernong Hong Kong laban sa ilegal na pagtatrabaho.

Noong Nov. 30 ay nahatulan ni Magistrate Edward Wong na nagkasala si Soriano sa lima sa siyam na paratang sa kanya, pero pinawalang sala ang kasama niyang si Jenivib Balanggao matapos nitong igiit na customer lang siya nang magkahulihan sa kainan.

Pindutin para sa detalye

Ang ipinataw na parusa kay Soriano ay 12 linggong kulong para sa salang pagtitinda ng alak nang walang lisensiya at pagkakaroon ng alak na pambenta nang walang lisensiya.

Pinarusahan din siya ng dalawang linggo para sa dalawang kaso ng paglabag sa panuntunang ipinatutupad noon laban sa pagkalat ng Covid-19 – dahil nanatiling bukas ang kainan lampas sa 10pm na itinakdang oras ng pagsasaran ayon sa utos ng Secretary of Food and Health, at ang pagpayag na magkumpulan ang mga tao sa lugar na kanyang pinatatakbo.

PINDUTIN PARA SA DETALYE

Para sa pagtatrabaho nang ilegal – dahil ayon sa Immigration Ordinance ay bawal magtrabaho o magtayo ng negosyo ang isang turistang gaya niya -- ay pinarusahan siya ng 12 linggo sa kulungan.

Dahil inutos din ni Magistrate Wong sa sabay-sabay na pagdusahan ni Soriano ang mga parusa, ang naging kabuuang parusa ay 12 linggo.

BOOK YOUR FLIGHTS NOW! PRESS FOR DETAILS

At bilang pagtugon sa panawagan ng abogado ni Soriano na bigyan siya ng kaluwagan sa pagpaparusa dahil may alaga siyang sanggol sa kulungan, binawasan ni Magistrate Wong ng dalawang linggo ang sentensiya niya.