 |
| Pauwi si Elcy Manabat matapos marinig ang hatol sa kaso niya. |
The SUN
Isang
Pilipina na napilitang mag overstay matapos mawalan ng trabaho noong Abril 20,
2020, kasagsagan ng pagkalat ng Covid-19, ang nakaligtas sa kulong matapos
umamin sa kanyang pagkakasala pagharap sa Shatin Court kanina.
Si Elcy
Manabat, 43 taong gulang, may asawa at apat na anak at tubong Tarlac, ay
kusang sumuko sa mga awtoridad nitong Nobyembre 22, para tuldukan ang dalawang
taon at limang buwan na pananatili sa Hong Kong ng walang karampatang visa.
Ayon sa
kanyang abogado, sinikap ni Elcy na humanap ng bagong mapapasukan nang
i-terminate ng dating amo ang kanilang kontrata noong Sept. 6, 2020 nguni’t siya ay nabigo.
Nang matapos
ang dalawang linggong palugit na binigay sa kanya para manatili sa Hong Kong ay
nagdesisyon siyang magtago.
Dahil
malinis ang kanyang record, bukod sa kanyang kusang loob na pagsuko at pag-amin
sa kasalanan, ay binawasan ni Mahistrado David Cheung Chi-Wai ang dapat 12
linggong pagkakulong niya at ginawa itong walong linggo, na sinuspindi pa ng
dalawang taon.
Ibig
sabihin, hindi makukulong si Elcy kung sa loob ng dalawang taon ay hindi siya muling
lalabag sa batas.
Sinabi ng isang Immigration officer sa kanya sa labas ng korte na maari na niyang mabawi ang kanyang passport sa opisina nito sa Kowloon Bay.
.jpg)
