The SUN HK : Mga pauwi sa Pilipinas, eTravel pass na ang dapat ipakita

02 December 2022

Lahat ng bibiyahe papuntang Pilipinas simula ngayon ay dapat sa eTravel na magrerehistro

Simula ngayong araw ay hindi na epass ang dapat gamitin ng mga bibiyahe papunta sa Pilipinas para irehistro ang kanilang mga personal na detalye, kundi ang bagong eTravel.

Ayon sa pahayag ng gobyerno ang mga pasahero na papasok sa dating website na www.onehealthpass.com.ph simula ngayon, Dec. 2, ay mapupunta sa bagong eTravel platform: https://etravel.gov.ph/ para doon sila magrehistro sa loob ng 72 oras bago ang takdang paglipad patungo sa Pilipinas.

PINDUTIN PARA SA DETALYE

Pindutin para sa detalye

Hindi na tatanggapin ang pagrerehistro gamit ang papel kaya dapat ay online na ito gagawin ng lahat ng mga darating sa Pilipinas.

Simula sa Dec 5 ay isasara na ang lumang onehealthpass website, kaya dapat ay sa etravel platform na dumiretso ang mga parating.

Layunin daw ng bagong sistema na mas mapabilis ang pagrehistro ng lahat ng papasok ng bansa, para din mas mapaaayos ang pagkolekta ng impormasyon ng pamahalaan.

PINDUTIN PARA SA DETALYE

Pinapaalala din sa lahat na libre ang pagrehistro para sa eTravel kaya dapat ay maging maingat sa pakikipag-ugnayan sa mga nagpapatakbo ng website kung saan sinisingil ang mga gustong makakuha ng eTravel pass.

Bukod sa eTravel pass, dapat ding magpakita ng patunay ng bakuna kontra Covid-19 ang mga biyahero. Ang mga edad 18 pataas at may booster o pangatlong dose ng bakuna at mga batang edad 12 pababa na may dalawang turok ay hindi na kailangang magpakita ng negatibong resulta ng PCR test.

Press for details

BASAHIN ANG DETALYE

Ang mga hindi nabakunahan o kulang ang bakuna ay kailangang magpakita ng negatibong resulta sa isang PCR test na kinuha sa loob ng 48 oras bago ang takdang pagsakay ng eroplano papunta sa Pilipinas – o rapid antigen test na isinagawa ng isang laboratory 24 oras o mas maiksi pa, bago ang takdang lipad.

Kailangan ding may passport na hindi kukulangin sa anim na buwan ang validity o bisa.