 |
| stock photo by Pixabay |
Dalawang Pilipinang domestic helper ang humarap sa magkahiwalay
na korte ngayon matapos akusahan ng pagnanakaw ng alahas.
Itinakda sa Dec. 5 ang
paghahatol kay Virginia Tullao, 43 taong gulang, sa apat na kasong pagnanakaw sa amo niyang nakatira sa
Tai Po, New Territories ng mga alahas na ang kabuuang halaga ay $50,468.
Si Tullao ay inakusahang nagnakaw ng isang pulseras na ginto
na nagkakahalaga ng $12,673 noong Aug 14, ikalawang pulseras na ginto na may
halagang $12,560 noong Sept. 11, ikatlong pulseras na ginto na may halagang
$12.675 noong Aug. 14, at ikaapat na pulseras na may halagang $12,560 noong
Sept. 11.
Inutos ni Deputy Magistrate Fung Lim-wai ng Fanling Magistracy
na ibalik muna si Tullao sa kulungan habang hinihintay ang kanyang hatol.
Sa Kwun Tong Magistracy naman ay humarap kay Acting
Principal Magistrate Amy Chan si Lorna Mejia, 39 taong gulang, na akusado sa
pagnanakaw ng isang brilyanteng singsing at isang pares ng hikaw na
nagkakahalaga ng $73,680.
Sa asunto, hindi tinukoy ng pulis kung saan eksakto nangyari
ang krimen maliban sa pagsasabing “somewhere in Hong Kong” at kung kailan,
maliban sa pagsasabing sa pagitan ng November 2021 at January 2022.
Parehong inakusahan ang dalawang Pilipina ng paglabag sa Section
9 ang Theft Ordinance ng Hong Kong.
.jpg)
