 |
| Ibinalik sa piitan ang dalawang Pilipinang inakusahan ng pananakaw ng alahas. (File) |
Dalawang
Pilipinang domestic helper ang humarap sa magkahiwalay na korte ngayon matapos
akusahang nagnakaw ng mga alahas na nagkakahalaga ng $384,000 at $292,000 mula
sa kani-kanilang mga amo, at ipiniit hanggang sa susunod nilang pagdinig sa papasok
na taon.
Si Ligaya
Banisal. 42 taong gulang, ay kinasuhan ng pulis ng pagnanakaw ng 18 pulseras na
ginto, dalawang singsing, apat na singsing na ginto, at siyam na kuwintas na
nagkakahalaga ng $384,000 at pag-aari ng kanyang among nakatira sa Lohas Park
sa Tseung Kwan O.
Ang
pagnanakaw ay nangyari umano sa pagitan ng January 2021 at Oct. 16, 2022.
Hiningi
ng taga-usig sa pagdinig kanina sa Kwun Tong Court na ipagpaliban ang pagdinig
sa kaso upang mabigyan ng dagdag na panahon ang mga pulis na mag-imbestiga pa
at mabawi ang mga ninakaw na alahas mula sa sanglaan.
Itinakda
ni Magistrate Minnie Wat sa Feb. 7, 2023 ang susunod na pagdinig.
Dahil
walang hiling ang akusado na palayain siya sa bisa ng piyansa, ibinalik siya sa kulungan.
Samantala,
si Marivic Hitalia, 35 taong gulang, ay kinasuhan sa Shatin Court ng pagnanakaw
ng pitong kuwintas na ginto, 14 na gintong pulseras, tatlong gintong singsing, at
isang pares ng gintong hikaw.
Ang mga alahas, na nagkakahalaga ng $292,000, ay ninakaw umano ni Hitalia sa mga among taga-Ma On Shan mula Aug. 21 hanggang
Oct. 28.
Ipinagpaliban
ni Acting Principal Magistrate David Cheung sa Jan. 31 ang susunod na pagdinig.
Inutos
din niyang ibalik si Hitalia sa kulungan.
.jpg)
