 |
| Itutuloy ang pagdinig ng kaso sa Kwun Tong court sa Dec. 5 |
Isang Pilipinang domestic helper ang humarap sa Kwun Tong Court kaninang umaga dahil sa sakdal na pagnanakaw ng mga alahas ng amo na $51,800 ang kabuuang halaga.
Pero ipinagpaliban ang kaso ni Maxima Quirit, 34 taong
gulang, nang sabihin ng taga-usig na kailangan ng karagdagang pagsusuri ng
ebidensiya at payong legal. Hindi na rin itinuloy ang pagbasa ng sakdal laban sa kanya.
Itinakda ni Magistrate Minnie Wat sa Dec. 5 ang susunod na
pagdinig.
Ibinalik si Quirit sa kulungan hanggang sa susunod na pagdinig, at hindi naman siya humingi ng permiso para magpiyansa.
Sa unang kaso ay inakusahan si Quirit ng pagnanakaw ng isang
singsing na may brilyante na nagkakahalaga ng $40,000 noong Pebrero sa bahay ng kanyang among si Lau
Kin-man sa Kai Tai Court, Kowloon Bay.
Sa ikalawang kaso ay inakuosahan siya ng pagnanakaw sa bahay
ding iyon noong April 1, ng isang kwintas na may palamuting brilyante at
pulseras na ginto, na may kabuuang halagang $11,800.
.jpg)
