 |
| Umamin ang Pilipina sa dalawang kaso ng pagnanakaw pagharap sa Kwun Tong Magistracy. |
Ikinulong nang anim buwan ang isang Pilipina na unang tumangging nagnakaw ng samu't saring bagay mula sa amo na may kabuuang halagang $103,500, pero umamin nang magsimula ang paglilitis ng kanyang kaso sa Kwun Tong Magistracy kanina, Oct 24.
Nagpahayag si Rhea Labrador, 38 taon gulang, na aamin sa
dalawang kasong iniharap sa kanya matapos ang higit sa isang oras na pag-uusap sa
pagitan niya kasama ang kanyang naatasang abogado, at ang taga-usig.
Sinabi ni Magistrate Lam Tsz-kan na sa mga nakaraang kaso na
ang ninakaw ay $250,000 o higit pa, ang karaniwang parusa ay hindi bababa sa
dalawang taong pagkabilanggo.
 |
| PINDUTIN PARA SA DETALYE |
Ang ipanataw ni Magistrate Lam kay Labrador ay 12 buwan, na
binubuo ng siyam na buwan sa unang kasong pagnanakaw ng mga bagay na
nagkakahalaga ng $100,000; at anim na buwan sa ikalawang kaso na ang ninakaw ay
may halagang $3,500.
Pero dahil sa pag-amin ni Labrador, binawasan niya ito ng 1/3, kaya ang natirang sentensiya niya ay anim na buwan sa unang kaso at
dalawang buwan sa pangalawang kaso. Dahil inutos din ni Lam na sabay na pagsilbihan
ang dalawang parusa, naging anim na buwan na lang ang kulong ng Pilipina.
 |
| PINDUTIN PARA SA DETALYE |
Si Labrador ay inereklamo sa pulis ng kanyang among si
Chiu Wing Hei at kasamahan nito sa trabaho na si Nancy Chiu Ng na nagnakaw ng samu't saring bagay sa bahay nila sa
Silver Terrace Road, Tseung Kwan O mula noong Dec. 1, 2021 hanggang June 20,
2022.
Ang inamin niyang ninakaw mula sa kanyang amo na may
kabuuang halagang $100,000 ay (1) isang hikaw na may tatak na Bulgari, (2) isang
kwintas, (3) isang 10-cent Malaysian ringgit coin, (4) isang card holder, (5) tatlong
lipstick, (6) dalawang case ng eye shadow, (7) isang bote ng face cream, (8)
anim na bote ng pabango, (9) isang bote ng hand sanitizer, (10) isang bote ng
face concentrate, (11) isang paper box (12) tatlong mascara, (13) isang eyebrow
pencil, (14) isang bote ng makeup remover, (15) apat ng tubo ng facial cream,
(16) isang bote ng sun screen cream, (17) dalawang pakete ng shampoo, (18)
isang cosmetic sponge, (19) tatlong ballpen.
 |
| Press for details |
Ang ninakaw naman ni Labrador kay Nancy Chiu Ng na
nagkakahalaga ng $3,500 ay: (1) isang pares ng Gucci na sapatos na may takong, (2)
isang payong, (3) tatlong supot (4) dalawang notebook at (5) 118 red packet na
walang laman.
Maliban sa mga alahas at sapatos, ang mga abubot na sinabing
ninakaw niya ay ipinatatapon ng amo niya, pero kalaunan ay nakita sa kanyang
mga gamit.
 |
| PINDUTIN PARA SA DETALYE |
Inutos ni Magistrate Lam na ibalik sa dalawang may-ari ang lahat
ng mga ito, na ginamit bilang ebidensiya.
Napagbintangan si Labrador sa pagnanakaw dahil siya lang ang
nakakapasok sa kwarto ng kanyang amo upang maglinis.
