The SUN HK : Tinerminate matapos magka Covid-19 sa Pilipinas, humihingi ng hustisya

Ni Daisy CL Mandap

Ang patunay na nagpositibo sa Covid si Ibanez sa takdang araw ng kanyang pagbalik sa HK

Isa na namang Pilipina na domestic worker ang humihingi ng tulong dahil tinerminate daw siya matapos siyang magka Covid-19 habang nakabakasyon sa Pilipinas.

Paalis na sana si Nenith Ibanez, 47, sa Pilipinas noong Aug 3 matapos ang isang buwan na bakasyon nang matanggap niya ang resulta ng kanyang PCR test na positibo siya sa coronavirus sa mismong araw ng kanyang lipad papunta ng Hong Kong.

Binigyan siya ng medical certificate ng health officer ng Antipolo City na nagsasabi na nag home quarantine siya mula Aug. 3 hanggang Aug 16. Matapos ito ay sinabi sa sulat na wala na siyang sintomas kaya maari na siyang bumalik sa trabaho.

Sabi ni Ibanez ay pinaalam niya sa employer ito, at nanghingi ng ilang araw para ayusin ang kanyang mga papeles pabalik, pero pinadalhan daw siya ng sulat noong Aug 18 at sinabing terminated na siya.

Pagkatapos niyang ipaalam sa Overseas Workers Welfare Administration na gusto niyang ireklamo ang pag terminate sa kanya ay pinayuhan siya ni welfare officer Virsie Tamayao na sumulat sa Labour Department gamit ang kanilang website para dito.

“Sumasagot naman sila agad kahit online,” sabi ni Tamayao. “May ilan na ring nakasingil ng dapat na ibayad sa kanila kahit wala sila sa Hong Kong.”

PINDUTIN PARA SA DETALYE

Kailangan lang daw na may italagang kinatawan ang FDH sa Hong Kong para makipag-ugnayan sa Labour at tanggapin ang anumang dapat ibayad sa kanya.

Ayon sa pahayag na ipinalabas ng Labour Department noong Feb 24, hindi maaring i-terminate ng employer ang isang foreign domestic helper na nagkasakit ng Covid-19 at may sick leave, maliban na lang kung may ginawa itong seryosong paglabag sa kanyang pinirmahang obligasyon.

Bukod dito ay dapat ding bayaran ang FDH sa panahong ito ay nagpapagaling o naka sick leave.

Pindutin para sa detalye

Ayon sa Labour, ang pag terminate sa FDH na may sick leave ay isang paglabag sa Employment Ordinance, at maari din daw kasuhan ang employer sa ilalim ng Disability Discrimination Ordinance.

Ang isang employer na lumabag sa batas na ito ay maaring patawan ng multa ng hanggang $100,000 at hindi payagang kumuha muli ng FDH sa loob ng itinakdang panahon.

Narito ang buong pahayag tungkol dito: https://www.info.gov.hk/gia/general/202202/24/P2022022400323.htm

Pinadala ni Ibanez sa employer niya ang patunay na naka quarantine sya ng 14 na araw

Ayon naman sa sulat na ipinadala ng employer sa Immigration ay pinutol nito ang kanilang kontrata dahil hindi daw sumasagot sa kanilang tawag o messages si Ibanez at hindi rin malinaw kung kailan nito balak bumalik sa Hong Kong.

Sagot naman ni Ibanez, kasalukuyan pa siyang naka-quarantine ay panay na ang tanong ng kanyang employer kung kailan siya babalik.

PINDUTIN PARA SA DETALYE

“Nag reply naman po ako kahit naka under quarantine pa ako kaso paulit-ulit lang ang sinasabi nila kaya yung iba binabasa ko na lang,” sabi ni Ibanez sa isang sanaysay.

“Ten days pa lang akong naka quarantine ay gusto na niya akong mag RAT (rapid antigen test) at magpagawa ng fully recovered letter sa doctor. Nguni’t ipinaliwanag ko sa kanya na hindi pwede ang gusto niya dahil dapat 14-60 days ang nasa certificate (dapat) mag-boarding sa Hong Kong.”

Sa Hong Kong kasi, kung mag negatibo sa ika-6 at 7 araw sa RAT ang isang maysakit ay maari na itong ideklara na magaling na. Para makasakay sa eroplano ay kailangan lang niya ipakita ang patunay sa isang doctor na magaling na siya, at negatibong resulta mula sa RAT.

PRESS FOR DETAILS!

Pero ayon kay Ibanez, ang sabi sa kanya sa Pilipinas ay hindi siya mabibigyan ng certificate na magaling na siya at “fit to work” hanggang hindi nasisiguro na wala na siyang sintomas pagkatapos ng hindi kukulangin ng 14 na araw.

Gayunpaman, nakiusap daw siya sa amo niyang bigyan siya ng isa pang linggo matapos ang kanyang quarantine para ayusin ang mga dokumento niya para makalipad, at kung maayos niya bago ang takdang palugit ay sasabihin niya agad para ma rebook ang kanyang air ticket at hotel quarantine, pero hindi daw ito pumayag.

Nang hindi niya makumpirma na makakaalis siya agad ay tinerminate siya.

Press for details

Nagsilbi ng limang taon at kalahati sa kanyang mga amo si Ibanez, pero binayaran naman daw ang para sa kanyang long service. Pero ang sinabing isang buwang sweldo niya kapalit ang abiso ay $2,000 pa lang ang binibigay sa kanya.

Bukod dito ay sinabihan siyang kailangan na niyang kunin ang mga damit niya na naiwan sa bahay nila ng hindi lalampas sa Sept 10 dahil may kapalit na siya at kailangan ng paglalagyan ng sariling gamit. Kapag hindi daw niya ipinakuha sa takdang araw ay itatapon ang mga ito.

BASAHIN ANG DETALYE

Dahil wala siyang mapakiusapan sa mga kaibigan na kumuha ng kanyang mga gamit ay nakiusap si Ibanez sa OWWA na tulungan siyang maipadala ang mga ito sa Pilipinas dahil may mga mahahalagang bagay daw na nandoon.

Nangako naman si WelOf Tamayao na tatawagan ang employer para masiguro na maipadala ang mga gamit niya nang maayos.