 |
| Isa ang Hei Ling Chau sa mga lugar na pwedeng pagdalhan sa Pilipinong adik. |
Malaki ang dapat ipagpasalamat ng isang Pilipino na umaming nagnakaw, dahil imbes ipakulong siya ng isang magistrate ng Eastern Courts ay ipinasok siya sa drug rehabilitation upang matulungang makabalik sa normal na buhay.
Pinahaba rin sa siyam na buwan ang panahon para bayaran ni Salvador Bermejo, 28 taong gulang at walang trabaho, ang $3,300 na halaga ng gomang sapatos na ninakaw niya sa biktima sa isang flat sa Wanchai nitong Apr 1.
Sa unang pagdinig sa kaso noong Hunyo ay umamin si Bermejo sa
pagnanakaw, at ipinagpaliban ni Magistrate Jason Wan ang pagbibigay ng parusa
sa kasunod na pagdinig noong July 28, kasabay ng pagbabayad sa ninakaw niya.
 |
| PINDUTIN PARA SA DETALYE |
Pero hindi sya sumipot sa korte sa takdang oras, kaya ipinaaresto siya ni Magistrate Wan. Pinagawan din siya ng report mula sa probation officer at community worker.
Araw sana ng hatol ngayon (Aug. 11) upang bigyan siya ng
parusa na ibabase sa report.
Ayon kay Wan, hindi niya intensyon na ipadala si Bermejo sa
DATC (drug abuse treatment center), pero ayon sa report na natanggap niya, nadiskubreng
si Bermejo ay lulong sa ipinagbabawal na gamot.
Halimbawa, nang kunan siya ng dugo habang nakakulong, may nakitang
drogang methamphetamine sa kanyang sistema.
 |
“Ang ibig sabihin nito ay inaabuso mo pa rin ang droga kahit
nasa korte na ang kaso mo,” ika ni Magistrate Wan.
Sumagot si Bermejo, a pamamagitan ng tagasalin, na ibig
niyang ipaalam sa korte na hindi siya regular na gumamamit ng droga.
Pero sinabi ni Wan na naparusahan na siya sa dalawang kasong
may kinalaman sa droga.
 |
| Tunghayan ang isa na namang kwentong Dream Love |
Ang tagal ng ilalagi ni Bermejo sa DATC ay depende sa bilis
ng kanyang pagbangon mula sa pagkalulong sa droga.
Sinabi ni Wan na baka umabot ito ng ilang buwan, at ito ang
dahilan kaya binigyan siya ng dagdag na panahon upang humanap ng ibabayad sa
kanyang biktima.
Pero sinabi ni Wan na kung mahihirapan siyang magbayad ay
dapat siyang magsabi sa korte, dahil kung hindi pa niya nababayaran ang buong halaga sa deadline at wala siyang pasabi ay ipapaaresto siya.
 |
| PADALA NA! |
 |
