The SUN HK : Pinay ligtas sa kulong matapos umaming sinaktan ang alagang bata

10 August 2022

Nakaiwas sa kulong ang Pilipina sa pagdinig na ginawa sa Shatin Courts,

Isang Pilipinang domestic helper ang nakaligtas sa kulong nang parusahan siya ng suspended sentence matapos naumaming sinaktan niya ang alagang apat na taong gulang na babae.

Nabunutan ng tinik si G. Liga, 34 taong gulang at mula sa North Cotabato, nang isalin sa Tagalog para sa kanya ang hatol ni Magistrate Edward Wong Ching-yu sa Shatin Magistracy.

PINDUTIN PARA SA DETALYE

Ang parusa ni Liga ay nagsimula sa 15 buwang pagkabilanggo, pero binawasan ng 1/3 dahil sa pag-amin niya, kaya naging 10 buwan.

Dahil suspendido ang hatol nang 12 buwan, hindi makukulong si Liga kung hindi siya magkakasala ulit sa loob ng panahong ito. Ibinalik rin ang piyansa niyang $500.

PINDUTIN PARA SA DETALYE

Kinasuhan si Liga dahil pinalo niya sa kamay at kinurot sa likod ang alaga nyang babae nang makitang nawawala ang isa nitong medyas noong Nov. 5, 2021 habang pauwi na sila mula sa kindergarten na pinapasukan ng bata sa Tai Wai, Shatin.

May nakakuha ng larawan sa nangyari at inilabas ito sa isang Facebook page ng isang concern group tungkol sa mga DH, na nakita ng ina ng bata.

PRESS FOR DETAILS!

Dinala ang bata sa Queen Elizabeth Hospital at doon nakita ang pamumula sa braso at likod niya.

Tumawag ng pulis ang amo ni Liga at ipinaaresto siya. Sinisante na rin siya nito.

Sa video interview ng pulis, inamin ni Liga na nasaktan niya ang bata dahil sa bugso ng kanyang damdamin, at upang patigilin ang kalikutan nito na maaring maglagay sa kanya sa panganib dahil nasa labas sila.

Press for details

Sinabi ng abogado ni Liga na malinis ang rekord nito sa Hong Kong at pinagsisisihan niya ang ginawa sa alagang napamahal na sa kanya.

Gusto na rin nyang umuwi at alagaan ang mga magulang at dalawang anak niya na nasa Pilipinas, dagdag ng abogado.

Tunghayan ang isa na namang kwentong Dream Love

Nang tanungin ng hukom kung ano ang nararapat na parusa sa ganitong kaso, sinabi ng abogado ni Liga na mainam ang suspended sentence.

Sinabi naman ni Magistrate Wong na hindi dapat gamitin ang dahas sa mga bata, at binigyan niya ng ganitong parusa si Liga upang magsilbing paalala na huwag na siyang uulit.