By The SUN
 |
| Ang Rose Court sa Happy Valley kung saan nakitang patay ang Pilipina |
Isang 51 taong gulang na Pilipina ang natagpuang patay
kaninang 12:07 ng tanghali sa loob ng kanyang kuwarto sa bahay ng kanyang
employer sa Happy Valley.
Ayon sa mga pulis, ang employer ng Pilipina ang
tumawag sa kanila para ibalita na nahimatay ang kanyang kasambahay.
Agad na nagpadala ng paramedics ang mga pulis sa bahay ng amo sa Unit 1, Rose Court, 115-117 Wong Nai Chung Road, Happy Valley, ngunit idineklara nilang patay na ang Pilipina pagdating nila.
Ayon sa mga pulis, wala naman daw “suicide note” na
nakita sa lugar ng pinangyarihan ng insidente. Isasailalim daw sa autopsy ang
bangkay ng biktima para malaman ang sanhi ng kanyang pagkamatay.
Kasalukuyan pang nanghihingi ang The SUN ng
karagdagang impormasyon tungkol sa insidente mula sa Konsulado.
