Pinay kulong ng anim na buwan dahil sa pagnanakaw ng alahas ng amo

 

Dininig ang kaso sa Kwun Tong Magistrates' Courts

Isang Pilipinang domestic helper ang ikinulong ng anim na buwan kanina matapos umaming nagnakaw ng mga alahas at cash na may kabuuang halagang $59,000 sa kanyang among taga-Tseung Kwan O.

Kinasuhan ng pulis si Honey Lane Orendain, 36 taong gulang, ng pagnanakaw ng isang singsing na brilyante, isang pulseras, tatlong singsing, isang tanikalang pulseras, dalawang pares ng hikaw, isang palawit sa kuwintas at $5,000 na cash mula May 1, 2019 at June 12, 2022.

 

PINDUTIN PARA SA DETALYE

Dininig ang kaso sa Kwun Tong Magistrates' Courts.

Nahuli si Orendain matapos madiskubre ng amo niya na nawawala ang kanyang mga ari-arian na nakatago sa isang drawer sa kanyang silid-tulugan.

Matapos tumawag ng pulis, ipinahinalughog ng amo ang gamit ni Orendain at nakita ang dalawang resibo mula sa sanglaan.

 

PINDUTIN PARA SA DETALYE

Hiniling ng abogado ni Orendain, na ina ng dalagitang 12 taong gulang, na patawan siya ng mas magaang na parusa dahil daw nagawa niya ang pagnanakaw upang matustusan ang pagpa-opera sa baga ang kanyang ina sa Pilipinas.

Kalaunan ay namatay din ang kanyang ina.

 

PRESS FOR DETAILS!

Ayon din sa abogado, agad umamin sa krimen si Orendain noong iniimbestigahan pa ng pulis ang kaso.

At maliban sa kasong ito, malinis ang rekord niya sa apat na taon niyang agtatrabaho bilang domestic helper sa Hong Kong at dalawang taon sa Dubai.

 

Press for details

Pinagsisihan at ikinahihiya rin niya ang ginawa, at humingi na siya ng tawad sa kanyang amo dahil sa nagawa niyang pagkakasala dala ng mahigpit na pangangailangan, dagdag ng abugado.

Kinilala ni Principal Magistrate Bina Chainrai ang maagang pag-amin ni Orendain, pero dahil sa krimeng ginawa niya, lalo na ang paglabag sa tiwala ng amo niya, hindi maiiwasan ang parusang pagkabilanggo.

 

PRESS FOR MORE DETAILS

Nagsimula siya sa siyam na buwang pagkabilanggo bilang parusa sa pagnanakaw, na binawasan niya ng ikatlong bahagi, kaya naging anim na buwan ang sentensiya ni Orendain.

Iniutos rin ng huwes na ibalik sa pulis ang mga ebidensiyang ginamit sa korte upang maibalik sa may-ari. 

PADALA NA!

Call us!