Ng The SUN
 |
| Libre muli ang sakay sa tram sa Lunes |
Sa Lunes ay dapat sanang itataas na sa $3 ang regular na pamasahe sa tram, pero nabigyan ng isang araw na palugit ang mga sasakay dito.
Sinagot kasi ng Hong
Kong Construction Association ang bayad ng lahat ng mga pasahero sa araw na
ito, bilang pagpapatuloy ng selebrasyon para sa ika-25 taong anibersaryo ng
pagbabalik ng Hong Kong sa China.
Noong nakaraang buwan
ay ipinasa ng Executive Council ang panukala na itaas sa $3 ang bayad ng
regular na pamasahe mula $2.60 simula sa Jul 11.
 |
| PINDUTIN PARA SA DETALYE |
Ang bayad ng mga bata
ay tataas mula $1.30 sa $1.50, at ang mga 65 taon pataas ay magbabayad ng $1.30
imbes $1.20.
Ang buwanang tiket ay
magkakahalaga na ng $260 imbes $220, at tatanggalin na rin ang tiket para sa
mga turista.
Ayon sa sponsor ng
libreng sakay, gusto nitong makiisa sa pagdiriwang ng anibersaryo ng HKSAR.
Gusto din daw nilang ikalat ang saya at positibong epekto ng pagbaba ng mga
kaso ng Covid-19 sa HK.
 |
| PINDUTIN PARA SA DETALYE |
Isang selebrasyon din
ito para sa Jul 11, ang araw na itinalaga para kay Lo Pan, na siyang patron ng
mga karpintero, inhinyero at ibang pang nagtatayo ng mga gusali.
Bukod sa libreng sakay
sa tram, may inihanda ding iba-ibang pasinaya para kay Lo Pan, kabilang na ang
kainan sa gabi, pamimigay ng bigas sa 18 distrito, at isang araw na local tour.
Maglalagay din ng mga
banderitas at isang malaking plake na may bulaklak sa harapan ng opisina ng
asosasyon sa 180-182 Hennesy Road, Wan Chai.
 |
| Press for details |
Kasabay ng pahayag
tungkol sa libreng sakay ay inilunsad din ang pagpapangalan sa isang tram ng “Tokkyu
PS” bilang selebrasyon ng ika-40 anibersaryo ng inuming Pocari sa Hong Kong.
Lahat ng sasakay sa
tram na ito ay magkakaroon daw ng kakaiba at “interactive cool ride”, ayon sa
magkahiwalay na pahayag ng Tramways at Pocari.
 |
| PRESS FOR MORE DETAILS |
Habang nakasakay sa
tram, maari silang magkuhanan ng mga litrato at makakuha ng impormasyon tungkol
sa halaga ng tubig sa katawan ng tao at iba pang katulad na detalye.
Maari din nilang
i-scan ang QR code sa likod ng kanilang upuan para mapanood ang palabas ng girl
band na Collar, na nag-eendorso sa Pocari.
 |
| PADALA NA! |
 |
