By The SUN
 |
| Nasentensyahan ang 3 Pilipina na illegal recruiter sa Shatin Court |
Nakaligtas sa kulong ang tatlong Pilipina na umamin sa
sakdal na “breach of condition of stay” matapos silang mahuli na nagre recruit
ng mga kapwa domestic helper para magtrabaho sa Poland.
Nguni’t dahil natagpuan silang nagkasala ay malamang
na magkaroon ito ng epekto sa kani-kanilang mga trabaho. Sinabi sa korte ng
kani-kanilang abugado na kasalukuyan pa rin silang naninilbihan sa kanilang mga
amo.
 |
| PINDUTIN PARA SA DETALYE |
Nasentensyahan sina M. Retales, 38 taong gulang; J.
Tacbad, 31, at R. Maravilla, 45; ng 10 buwang pagkakakulong, na sinuspindi ng dalawang taon, nang aminin nila ang sakdal sa harap ni Shatin magistrate David
Cheung noong Huwebes, Jul 7.
Ayon sa sakdal ng Immigration Department, ang tatlo ay
nahuli noong Jan 23 ng kasalukuyang taon sa aktong pagpapatakbo sa ilegal na
negosyo.
 |
| Pindutin para sa detalye |
Si Retales ay nalamang pumasok sa ilegal na
gawain noong September 2021, samantalang sina Tacbad at Maravilla ay noong
December 2021 naman.
Pinayagang magpiyansa ng tig $1,000 ang tatlo
habang kumunsulta sila sa abugado para sa susunod nilang hakbang.
 |
| Press for details |
Ayon sa kundisyon na nagpapahintulot sa kanila
na magtrabaho sa Hong Kong bilang domestic helper, bawal silang magtrabaho sa
labas ng bahay ng kani-kanilang mga amo nang walang pahintulot ang Immigration.
 |
| PRESS FOR MORE DETAILS |
Sa ilalim ng Immigration Ordinance ang paglabag sa itinakdang kundisyon para sa mga paggawad ng employment visa ay may parusang multa na maaring umabot ng $50,000 at pagkakakulong ng hanggang dalawang taon.
 |
| PADALA NA! |
 |
