Pinay, nakipag-ayos sa amo pagkatapos ng halos 7 buwan na paghahabol

Nagkaayos ang dating mag-amo matapos ang paliwanagan.

Nagwakas sa areglo ang kasong inihain ng isang Pilipina sa Labour Tribunal upang habulin ang dapat bayaran ng among nagsisante sa kanya noong gabi ng July 30, 2021 sa Cheung Chau.

Naganap ang pagkakasundo nina Sany Jane Caronan at dati niyang among si Damian George Flynn noong Feb 16 matapos silang paliwanagan ni Presiding Officer Jo Siu tungkol sa tatlong bayarin na pinagtalunan sa kaso.

Ang unang hiningi ni Caronan ay $100 para sa pagkain at iba pang gastos sa pag-uwi niya mula Maynila hanggang Isabela, na agad sinang-ayunan ng dating amo.

PINDUTIN PARA SA DETALYE

Ang pangalawa ay ang $4,500 na hiningi niyang pamasahe sa paglipad pa-Manila. Inalmahan ito ni Flynn na nag-alok ng $1,827. Pero ayon kay Siu, ang karaniwang presyo ng tiket ngayong panahon ng pandemya ay $3,000, kaya pumayag dito ang magkabilang panig.

Tumagal ang usapan sa ikatlong hiling ni Caronan, na nasa kontratang pinirmahan nilang mag-amo: isang buwang suweldo kapalit ng abiso (in lieu of notice) ng kanyang pagkasisante.

Ipinilit ni Flyn ang karapatan niyang magsisante, at dahil may mabigat na rason daw ito – katulad ng  pabaya sa trabaho si Caronan at hindi ito sumusunod sa utos– ay hindi niya na kailangang magbayad ng para sa "notice."

PINDUTIN PARA SA DETALYE

Nang hingan siya ng halimbawa ni Siu na nagpabaya sa trabaho si Caronan, sinabi ni Flynn na minsan, may kalaro ang kanyang anak na apat na taong gulang. Nagsumbong daw ang kalaro sa ina nito na natutulog si Caronan habang naglalaro sila, imbes na magbantay sa kanila.

Hindi rin daw nagpapaalam si Caronan kapag umaalis sa kanyang day off, kaya naiiwang mag-isa ang anak niya. Nang tanungin kung bakit nagkakaganito, ipinaliwanag ni Flynn na nakahiwalay sa bahay ang kwartong tinutulugan nilang mag-asawa.

Sinabi rin ni Flynn na ang anak niya ay nagkaroon ng problema sa pag-uugali, dahil sinisipa niya si Caronan. Inutusan daw nila ang helper na isumbong sa kanila kapag ginawa ulit ito ng bata, pero hindi na nagsumbong ito.

Pindutin para sa detalye

Dito sumingit si Siu upang sabihin na ang paghubog ng ugali ng kanilang anak ay lampas na sa dapat asahan sa isang domestic helper.

Idinagdag niya na ang mga ipinakitang pruweba ng magkabilang panig ay hindi sapat, kaya kung magpapatigasan sila, maaaring isampa sa korte ang kanilang kaso.

PINDUTIN PARA SA DETALYE

Sinabi niya kay Caronan na hindi niya gustong tumagal ito sa Hong Kong nang walang trabaho, dahil matatagalan bago masisimulan sa korte ang kaso at hindi siya bibigyan ng bagong employment visa ng Immigration Department habang dinidinig pa ito.

Kay Flynn, inisa-isa niya ang bigat ng pagkakaroon ng kaso, gaya ng anim na araw na gugugulin para sa hearing na pwede niyang gamitin sa paghahanap-buhay.

CONTACT US!

At pwede ring hindi matatapos dito ang kaso, kung i-apela ang magiging resulta nito.

Kaya iminungkahi niya sa magkabilang panig na magkasundo sa isang presyo bilang kabayaran sa lahat ng hinahabol ni Caronan. Ang kapalit nito ay walang ituturong may kasalanan, at hindi na sila pwedeng maghabla laban sa isa’t isa tungkol sa kaso. 

PINDUTIN PARA SA DETALYE

Nag-alok si Caronan na bawasan ng kalahati ang kanyang hinahabol, ngunit iminungkahi ni Siu ang kabuuang kabayarang $5,300. Agad namang tinanggap ito ng magkabilang panig, at noon din ay pinirmahan nila ang kasunduan.