Masama ang loob ni Joan na bagong dating, habang nagkukuwento sa kaibigang si Dorie tungkol sa mahigpit na pagbabawal ng matandang ina ng kanyang amo na huwag siyang gagamit ng kanilang mga palikuran.
Mula sa pagligo hanggang pagdumi at ihi ay kailangan siyang bumaba ng kanilang building para makigamit sa toilet ng clubhouse nila.
 |
| CALL NOW! |
Mabuti na lang at mabait ang naglilinis doon at hinahayaan siya. Kailangan na maaga siyang gumising para makigamit sa public toilet, na hindi madali lalo na ngayong panahon ng taglamig.
Hindi niya maubos maisip kung bakit mahigpit si lola sa pagbabawal gayong dalawa naman ang kanilang palikuran.
 |
| CALL OUR HOTLINE! |
Ilang araw pa lamang si Joan ay ramdam na niya na hindi siya magiging masaya sa mga amo dahil sa masamang ugali ni lola.
Minsan ay nagtanong siya sa amo kung bakit bawal siyang gumamit ng toilet pero ang matanda ang sumagot, at sinabing basta bawal kaya walang magawa ang kanyang amo.
 |
| Call us! |
Tanong ni Joan sa mga kabayan kung ganoon na ba siya karumi o kabaho kaya ayaw ng matanda na nakikigamit siya ng kanilang palikuran?
Bakit daw hindi makatao ang turing sa kanya? Pinagdarasal na lang niya ngayon na sana ay magbago na ang trato ng matanda sa kanya.
Si Joan ay tubong Cagayan Valley, 35 taong gulang, may asawa at anak. - Marites Palma
---
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.
