Sa simula’t sapul ay utangan na ang siyang pinakamalaking problema na ng mga migranteng
Pilipino sa Hong Kong . Napakadali kasing
mangutang ng isang migrante dito. Magpakita lang ng pasaporte at kontrata,
patunay na may trabaho, at isang guarantor o reference, at maaari nang
makautang ang kahit isang bagong saltang manggagawa.
Ang siste, marami sa mga nangungutang ay naglalahong bigla,
kaya ang hinahabol ng utangan ay iyung guarantor o reference. Ang isa pang
problema ay ang napakalaking interes ng pautang, dahil pati ang legal na patong
ay maaaring umabot sa 60% ng halagang inutang sa loob ng isang taon.
Ang mga ganitong negatibong dulot ng pangungutang ang isa sa
mga naging tampok na paksa sa financial literacy, o pag-aaral sa pananalapi, na
isinagawa ng Card Hong Kong Foundation sa Konsulado noong Linggo, ika-22 ng
Setyembre, at dinaluhan ng 47 migrante.
 |
| Nagbigay pugay si Konsul Heneral Raly Tejada sa mga dumalo sa financial literacy workshop |
Iyon ang unang fin-lit na isinagawa ng Card HK sa Konsulado,
na nakatakdang masundan muli dahil nangako si Konsul Heneral Raly Tejada ng
pakikipagtulungan para maisagawa ng regular ang makabuluhang pagsasanay.
Masuwerte ang mga dumalo dahil nagkaraon sila ng pagkakataon
na makadaupang-palad si Congen Tejada na nagbigay pugay sa kanila, at pinuri
ang kanilang pagpupursigi na matutong gumastos ng tama.
Naging panauhin din ang Card HK founder na si Edna Aquino at
Board member at The SUN publisher na si Leo A. Deocadiz, kasama ang editor na
si Daisy Mandap.
Kabilang sa tinalakay ang pagkumpiska ng may 1,500 na
pasaporte ng ginamit na prenda sa ilegal na pautangan. Pinag-usapan din ang
pagpapakamatay ng isang Pilipina kamakailan nang dahil sa patong-patong na utang.
 |
| Call us now! |
Tinuruan ang mga kalahok ng mga trainor ng Card HK na
pinangungunahan ni Victoria Munar ng mga paraan kung paano makaahon sa utang sa
pamamagitan ng tamang paggasta ng kanilang perang kinikita buwan-buwan.
Unang una na dito ang pag-iipon - para sa sarili, at sa mga
biglaang gastusin. Ayon kay trainor Cecille Eduarte, ang ipon para sa sarili ay
dapat ilaan sa pagre-retiro, samantalang ang para sa emergency ay kailangan
para hindi na mapilitang mangutang kapag nagigipit.
Kadalasan, ang pagiging sobrang mabait sa kapamilya ang
siyang dahilan kaya hindi nakakapag-ipon ang isang migrante, at lalong
napapatagal sa kanyang paghahanap-buhay sa labas ng bansa.
Tinalakay din ang mga paraan para makaiwas sa scam, katulad
ng mga networking na wala namang tunay na produkto at nangangako ng
sobra-sobrang tubo.
Nguni’t hindi lang sa usapin natapos ang talakayan dahil
tinuruan ang mga kasapi ng pagsusulat ng kanilang mga adhikain, pag-alam kung
ang isang bagay ay pangangailan o luho, pagprotekta sa sarili laban sa mga
hindi-inaasahang pangyayari, pag-alam sa kalagayang pampinansyal, pagbabadyet,
at pati sa pagpapalago ng puhunan.
Sa bandang huli ay tinuruan din silang sagutin ang tanong na
“Magkano ka ba?” sa pamamagitan ng paggawa ng kanilang sariling SALN, o
statement of assets, liabilities and net worth.
Natapos ang maghapong pagsasanay sa pagsusulat ng mga
kalahok ng kanilang reaksyon sa mga bagay na itinuro sa kanila. Halos lahat ay
nagkakaisa sa pagsasabing nabuksan ang kanilang mga isip sa kahalagahan ng
tamang paggasta, pag-iipon at pagsasa-alang alang sa mga bagay na makabuluhan.
Marami ang nagsabi na sana
Ang Card HK ay nagbibigay din ng pagsasanay sa mga gustong
magnegosyo, at skills training gaya
---
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.
