Tinerminate dahil lang sa punda

Si Ging ay 46 taong gulang, may asawa at dalawang anak. Noong Sabado, Mayo 20, ay bigla siyang tinerminate dahil daw ginamit niya ang punda ng unan ng kanyang amo.  Nakawalong buwan lang siya sa among taga Shatin na ubod ng sungit.
Binayaran naman siya ng amo ng lahat na dapat nitong ibigay.

Sinuwerte siya dahil kinabukasan din ay may kapwa Ilongga siya na nakilala at ipinakilala siya nito sa kanyang amo, na agad pumirma sa kanyang kontrata. Pinaiwan na sa ahensya ang kontrata pagkatapos para daw maumpisahan na ang pagproseso nito.

Umuwi si Ging noong Mayo 25. – Merly T. Bunda